వందల కోట్ల ఆశ చూపించి.. గ్రామస్తులను మోసం చేసిన నటుడు

హిందీ, మరాఠీ చిత్రాల్లో నటించి తనకంటూ మంచి గుర్తింపు తెచ్చుకున్నాడు శ్రేయస్ తల్పాడే. పుష్ప 2 హిందీ వెర్షన్ లో అల్లు అర్జున్ పాత్రకు డబ్బింగ్ చెప్పాడు. సహజ నటనతో ప్రేక్షకులను అలరించిన ఈ నటుడు ఇప్పుడు చిక్కుల్లో పడ్డారు. వందల కోట్ల రూపాయలను మోసం చేశాడని అతను ఆరోపణలు ఎదుర్కొంటున్నాడు. అయితే, ఇది సినిమా పరిశ్రమకు సంబంధించిన కుంభకోణం కాదు. ఏ నిర్మాతను శ్రేయస్ మోసం కూడా చేయలేదు. కానీ గ్రామస్తులను శ్రేయాస్ తల్పాడే చాలా తెలివిగా మోసం చేసినట్లు ప్రచారం జరుగుతుంది. వందల కోట్ల కుంభకోణం ఆరోపణలు ఎదుర్కొంటున్న శ్రేయస్ తల్పడేపై పోలీసులు కేసు నమోదు చేశారు.