మహారాష్ట్రలోని నందుర్బార్ జిల్లాలో తాజాగా జరిగిన ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. షహాదా ప్రాంతంలోని ఆదిత్య ప్రసూతి, కంటి ఆసుపత్రికి వచ్చిన ఓ కార్మికుడు చిరుతను చూసి భయంతో కేకలు వేయడంతో ఒక్కసారిగా కలకలం రేగింది. ఆ అరుపులకు చిరుత ఓ మూలన నక్కింది. చిరుతకు సంబంధించిన సమాచారాన్ని కార్మికుడు ఆసుపత్రి సిబ్బందికి తెలిపాడు. వారొచ్చి దాని వెనకున్న తలుపులను నిశ్శబ్దంగా మూసివేసి దానిని బందీని చేశారు. దీంతో అందరూ ఊపిరి పీల్చుకున్నారు. ఆసుపత్రి నుంచి సమాచారం అందుకున్న అటవీ అధికారులు చిరుతను బంధించి తీసుకెళ్లారు.