ಜೂನ್ ತಿಂಗಳಲ್ಲಿ ಬಿಡುಗಡೆ ಆಗಲಿರುವ ಸಿನಿಮಾಗಳಲ್ಲಿ ‘ಕೋಟಿ’ ಹೆಚ್ಚು ನಿರೀಕ್ಷೆ ಮೂಡಿಸಿದೆ. ಪರಮ್ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ನಟ ಧನಂಜಯ್ ಅವರು ಕೋಟಿ ಎಂಬ ಹುಡುಗನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇಂದು (ಜೂನ್ 5) ಸಿನಿಮಾ ಟ್ರೇಲರ್ ಬಿಡುಗಡೆ ಮಾಡಲಾಗಿದೆ. ಈ ಸಮಾರಂಭದಲ್ಲಿ ಡಾಲಿ ಧನಂಜಯ ಅವರು ಮಾತನಾಡಿದ್ದಾರೆ. ‘ಕೋಟಿ’ ಸಿನಿಮಾವನ್ನು ಜನರು ಯಾಕೆ ನೋಡಬೇಕು ಎಂದು ಕೇಳಿದ ಪ್ರಶ್ನೆಗೆ ಡಾಲಿ ಉತ್ತರಿಸಿದ್ದಾರೆ. ‘ಈಗ ತಾನೇ ಟ್ರೇಲರ್ನಲ್ಲಿ ಡೈಲಾಗ್ ಕೇಳಿದ್ರಲ್ಲ. ಕೋಟಿ ಅಂತ ಹೊಸ ಹುಡುಗ. ಸೌತ್ನಲ್ಲಿ ಮಾತ್ರವಲ್ಲ ಮುಂಬೈನಲ್ಲಿ ಹುಡುಕಿದರೂ ಕೂಡ ಈ ಥರ ಗುರಿ ಮತ್ತು ಗುಂಡಿಗೆ ಇರೋನು ಸಿಗಲ್ಲ ಅಂತ. ಆ ಕಾರಣಕ್ಕಾಗಿ ಜನ ಕೋಟಿ ಸಿನಿಮಾವನ್ನು ನೋಡಬೇಕು. ಇದು ನನಗೆ ಹೊಸ ಕಥೆ, ಹೊಸ ಪಾತ್ರ. ಇದು ನನಗೆ ತುಂಬ ಇಷ್ಟ ಆಗಿರುವ ಕಥೆ’ ಎಂದು ಡಾಲಿ ಧನಂಜಯ ಹೇಳಿದ್ದಾರೆ. ಜೂನ್ 14ರಂದು ಈ ಸಿನಿಮಾ ಬಿಡುಗಡೆ ಆಗಲಿದೆ.