టాలీవుడ్ లోని ప్రముఖ హీరోయిన్లలో తమన్నా భాటియా ఒకరు. ఇటీవల తమన్నా పలు బాలీవుడ్ సినిమాల్లోనూ స్పెషల్ సాంగ్స్లో యాక్ట్ చేస్తూ గుర్తింపు తెచ్చుకున్నారు. వ్యక్తిగత జీవితం విషయానికి వస్తే.. బాలీవుడ్ నటుడు విజయ్ వర్మతో డేటింగ్ లో ఉన్నట్లు గతంలో తమన్నా స్వయంగా వెల్లడించారు. లస్ట్ స్టోరీస్ 2 షూటింగ్ సందర్భంగా జరిగిన పరిచయం తామిద్దరి మధ్య ప్రేమకు దారితీసిందని చెప్పారు. వర్మ, తమన్నా దాదాపు రెండేళ్లు చెట్టాపట్టాలేసుకుని తిరిగారు. అయితే, తాజాగా వీరిద్దరూ విడిపోయారని ప్రచారం జరుగుతోంది.