‘ದೇಹದ ತೂಕ ಮತ್ತು ಹೃದಯಾಘಾತದ ಬಗ್ಗೆ ಚರ್ಚೆ ಮಾಡೋಕೆ ಆಗಲ್ಲ’: ಸ್ಪಂದನಾ ನಿಧನಕ್ಕೆ ಸೃಜನ್​ ಲೋಕೇಶ್​ ಪ್ರತಿಕ್ರಿಯೆ

ದೇಹದ ತೂಕ ಮತ್ತು ಹೃದಯಾಘಾತದ ನಡುವೆ ಸಂಬಂಧ ಇದೆಯೇ ಎಂಬ ಚರ್ಚೆ ಯಾವಾಗಲೂ ನಡೆಯುವಂಥದ್ದು. ವಿಜಯ್​ ರಾಘವೇಂದ್ರ ಅವರ ಪತ್ನಿ ಸ್ಪಂದನಾ ನಿಧನದ ಬಳಿಕ ಮತ್ತೆ ಅದೇ ಚರ್ಚೆ ಜೋರಾಗಿದೆ. ಸ್ಪಂದನಾ ಅವರು ದೇಹದ ತೂಕ ಕಡಿಮೆ ಮಾಡಿಕೊಳ್ಳಲು ಪ್ರಯತ್ನಿಸಿದ್ದರು ಎಂಬ ಅಂತೆ-ಕಂತೆಗಳು ಕೇಳಿಬಂದಿವೆ. ಈ ಬಗ್ಗೆ ನಟ, ನಿರೂಪಕ ಸೃಜನ್​ ಲೋಕೇಶ್​ ಅವರು ಮಾತನಾಡಿದ್ದಾರೆ. ‘ದೇಹದ ತೂಕಕ್ಕೂ ಹೃದಯಾಘಾತಕ್ಕೂ ಸಂಬಂಧ ಇದೆ ಎಂಬ ಚರ್ಚೆ ಬಗ್ಗೆ ನನಗೆ ಆಕ್ಷೇಪ ಇದೆ. ಆರೋಗ್ಯಕರವಾಗಿ ಇರಬೇಕಾಗಿದ್ದು ಅಗತ್ಯ. ಅದು ಜೀವನ ಶೈಲಿ. ಫಿಟ್ನೆಸ್​ ಇಲ್ಲದಿದ್ದರೆ ನಾವು ಆ್ಯಕ್ಟೀವ್​ ಆಗಿರಲು ಸಾಧ್ಯವಿಲ್ಲ. ಅದರಿಂದಲೇ ನಿಧನರಾದರು ಅಂತ ಚರ್ಚೆ ಮಾಡೋಕೆ ಆಗಲ್ಲ. ಅಷ್ಟು ಫಿಟ್​ ಆಗಿದ್ದ ಪುನೀತ್​ ರಾಜ್​ಕುಮಾರ್​ ಅವರಿಗೆ ಯಾಕೆ ಹೀಗಾಯಿತು. ಏನೂ ಮಾಡದೇ ಇರುವವರ 90 ವರ್ಷ ಬದುಕುತ್ತಾರಲ್ಲ ಅದು ಹೇಗೆ? ಈ ವಿಚಾರಗಳ ಬಗ್ಗೆ ಈಗ ಅಂತಿಮ ನಿರ್ಧಾರಕ್ಕೆ ಬರೋದು ಸರಿಯಲ್ಲ ಅಂತ ನನಗೆ ಅನಿಸುತ್ತದೆ’ ಎಂದು ಸೃಜನ್​ ಲೋಕೇಶ್​ ಹೇಳಿದ್ದಾರೆ.