ಧನ್ಯಾ ರಾಮ್​ಕುಮಾರ್​ ನಟನೆಯ ‘ಕಾಲಾಪತ್ಥರ್’​ ಸಾಂಗ್​ ಕೇಳಿ ತಾಯಿ ಪೂರ್ಣಿಮಾ ಹೇಳಿದ್ದೇನು?

ಡಾ. ರಾಜ್​ಕುಮಾರ್​ ಕುಟುಂಬದ ಕುಡಿ ಧನ್ಯಾ ರಾಮ್​ಕುಮಾರ್​ ಅವರು ‘ಕಾಲಾಪತ್ಥರ್​’ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಬುಧವಾರ (ಅ.11) ಈ ಸಿನಿಮಾದ ಲಿರಿಕಲ್​ ವಿಡಿಯೋ ಬಿಡುಗಡೆ ಮಾಡಲಾಯಿತು. ಈ ಕಾರ್ಯಕ್ರಮಕ್ಕೆ ಧನ್ಯಾ ರಾಮ್​ಕುಮಾರ್​ ಅವರ ತಾಯಿ ಪೂರ್ಣಿಮಾ, ಹಿರಿಯ ನಟಿ ತಾರಾ, ನಿರ್ಮಾಪಕಿ ಅಶ್ವಿನಿ ಪುನೀತ್​ ರಾಜ್​ಕುಮಾರ್ ಅವರು ಆಗಮಿಸಿ ಶುಭ ಕೋರಿದರು. ಮಗಳ ಸಿನಿಮಾದ ಬಗ್ಗೆ ಪೂರ್ಣಿಮಾ ಅವರು ಮೆಚ್ಚುಗೆ ಮಾತುಗಳನ್ನು ಆಡಿದ್ದಾರೆ. ‘ಈ ಸೌಂಡ್​ ಕೇಳಿದ ಮೇಲೆ ನನಗೆ ಅನಿಸುತ್ತಿರುವುದು ಒಂದೇ. ಧನ್ಯನಿಗೆ ಈ ಸಿನಿಮಾದಲ್ಲಿ ಚಾನ್ಸ್​ ಸಿಕ್ಕಿದ್ದು ಅವಳ ಭಾಗ್ಯ. ತುಂಬ ಚೆನ್ನಾಗಿ ಮೂಡಿಬಂದಿದೆ. ಈ ಸಿನಿಮಾದ ನಿರ್ಮಾಪಕರು ಹಾಗೂ ಇಡೀ ತಂಡಕ್ಕೆ ಒಳ್ಳೆಯ ಭವಿಷ್ಯ ಸಿಗಲಿ’ ಎಂದು ಪೂರ್ಣಿಮಾ ಹಾರೈಸಿದ್ದಾರೆ.