‘ನಾನು ಮುಖವಾಡ ಹಾಕ್ಕೊಂಡು ಬದುಕಿಲ್ಲ, ಬದುಕೋದೂ ಇಲ್ಲ’: ರಕ್ಷಕ್​ ನೇರ ಮಾತು

ಖ್ಯಾತ ಹಾಸ್ಯ ನಟ ಬುಲೆಟ್​ ಪ್ರಕಾಶ್​ ಪುತ್ರ ರಕ್ಷಕ್​ ಅವರಿಗೆ ‘ಬಿಗ್​ ಬಾಸ್​ ಕನ್ನಡ ಸೀಸನ್​ 10’ ಶೋನಲ್ಲಿ ಸ್ಪರ್ಧಿಸುವ ಅವಕಾಶ ಸಿಕ್ಕಿತ್ತು. ನಾಲ್ಕು ವಾರಗಳ ಕಾಲ ಪೈಪೋಟಿ ನೀಡಿದ ಅವರು ಈಗ ಹೊರಗೆ ಬಂದಿದ್ದಾರೆ. ಎಲಿಮಿನೇಷನ್​ ಬಳಿಕ ‘ಟಿವಿ9 ಕನ್ನಡ’ ಜೊತೆ ಅವರು ಮಾತನಾಡಿದ್ದಾರೆ. ತಾವು ಬೇಗ ಎಲಿಮಿನೇಟ್​ ಆಗಿದ್ದಕ್ಕೆ ಕಾರಣ ಏನಿರಬಹುದು ಎಂಬುದನ್ನು ಅವರು ಅವಲೋಕಿಸಿದ್ದಾರೆ. ‘ನಾನು ಚೆನ್ನಾಗಿ ಆಡಿದ್ದೇನೆ. ಬೇರೆಯವರ ರೀತಿ ಡ್ರಾಮಾ ಮಾಡಿಲ್ಲ. ಅವರ ವರ್ತನೆ ನನಗೆ ಅರ್ಥ ಆಯಿತು. ಇಲ್ಲಿಯವರೆಗೆ ನಾನು ಮುಖವಾಡ ಹಾಕಿಕೊಂಡು ಬದುಕಿಲ್ಲ, ಬದುಕೋದೂ ಇಲ್ಲ. ನೀನು ಟ್ರಿಗರ್​ ಆಗು ಅಂತ ಕೆಲವರು ಹೇಳಿದರು. ಆ ರೀತಿ ಮಾಡಲು ನನಗೆ ಹುಚ್ಚುನಾಯಿ ಕಚ್ಚಿಲ್ಲ. ಜನರಿಗೆ ಫೇಕ್​ ಯಾವುದು ಎಂಬುದು ಗೊತ್ತಾಗುತ್ತದೆ. ಇದ್ದಷ್ಟು ದಿನ ನನಗೆ ಸಿಕ್ಕ ವೇದಿಕೆಯನ್ನು ನಾನು ಚೆನ್ನಾಗಿ ಉಪಯೋಗಿಸಿಕೊಂಡಿದ್ದೇನೆ’ ಎಂದು ರಕ್ಷಕ್​ ಅವರು ಹೇಳಿದ್ದಾರೆ.