ಕಳೆದ ಬಾರಿ ಜಗತ್ತಿನ ಎರಡನೇ ಎತ್ತರದ ಪ್ರದೇಶ ಖರ್ದುಂಗ್ಲಾ ಪಾಸ್ ಗೆ ಬೈಕ್ ಮೂಲಕ ಹೋಗಿ ಸುದ್ದಿ ಮಾಡಿದ್ದ ಕುಂದಾಪುರ ಮೂಲದ ವಿಲ್ಮಾ ಕ್ರಾಸ್ತಾ ಕರ್ವಾಲೋ ಈ ಬಾರಿ ಜಗತ್ತಿನ ಅತಿ ಎತ್ತರದ ಪ್ರದೇಶ ಉಮ್ಲಿಂಗ್ಲಾ ಪಾಸ್ ಗೆ ಹೋಗುವ ಮೂಲಕ ಮತ್ತೆ ಸುದ್ದಿಯಲ್ಲಿದ್ದಾರೆ.ವಿಶೇಷ ಎಂದರೆ 55 ರ ಹರೆಯದ ವಿಲ್ಮಾ ,ಈ ಬಾರಿ ತಮ್ಮ ಮಗಳ ಜೊತೆಯೇ ಈ ಸಾಧನೆ ಮಾಡಿದ್ದಾರೆ.ಲಡಾಕ್ ಪ್ರಾಂತ್ಯದ ಈ ಪ್ರದೇಶ ಬೆಟ್ಟಗುಡ್ಡಗಳಿಂದ ತುಂಬಿದ್ದು ಸಾಹಸಿ ರೈಡರ್ ಗಳಿಗೆ ಮಾತ್ರ ಇಲ್ಲಿಗೆ ತಲುಪಲು ಸಾಧ್ಯ. ಐವತ್ತೈದರ ಹರೆಯದಲ್ಲೂ ತಮ್ಮ ಮಗಳ ಜೊತೆ ಹಲವು ಸವಾಲುಗಳನ್ನು ಮೆಟ್ಟಿ ನಿಂತು ಈ ಯಾತ್ರೆಯನ್ನು ಬೈಕ್ ಮುಲಕ ಯಶಸ್ವಿಯಾಗಿ ಪೂರೈಸಿದ್ದಾರೆ.