ట్రాఫిక్.. ట్రాఫిక్.. ట్రాఫిక్.. రోడ్డు మీదికి వెళితే చాలు.. సుడిగుండంలో చిక్కుకున్నట్లే. ఎక్కడికి వెళ్లాలన్నా ట్రాఫిక్ గోల మాత్రం తప్పదు. అరగంట ప్రయాణానికి ఆరు గంటలు పట్టిన దుస్థితిని వాహనదారులు ఫేస్‌ చేసి ఉంటారు. ఇక మన హైద‌రాబాద్ గురించి ప్ర‌త్యేకించి చెప్ప‌న‌క్క‌ర్లేదు. ముఖ్యంగా పీక్ టైమ్‌లో ట్రాఫిక్‌లో ఇరుక్కుంటే వాళ్ల ప‌ని అవుటే. ఈ నేప‌థ్యంలో ట్రాఫిక్ బాధ‌లు త‌ప్పించేందుకు ఎయిర్ ట్యాక్సీలు తేవాల‌నే ఆలోచ‌న‌లు పురుడుపోసుకున్నాయి. ఇప్ప‌టికే ఫారెన్ కంట్రీస్‌లో ఈ ఎయిర్ టాక్సీలు తీసుకొచ్చేందుకు స‌న్నాహాలు చేస్తున్నారు. త్వరలో ఇవి మన దేశంలో కూడా అందుబాటులోకి రాబోతున్నాయి.