మకర రాశి వారికి ముఖ్యంగా ఈ సంవత్సరం ఏలినాటి శని పూర్తి అవ్వడం, శని తృతీయ స్థానంలో అనుకూలంగా సంచరించడం. ఇక మకర రాశి వారికి ఈ సంవత్సరం వాక్ స్థానంలో రాహువు, అష్టమ కేతువు ప్రభావం. ఇంక మకర రాశి వారికి శత్రు స్థానంలో బృహస్పతి సంచరించడం చేత ఎవరైతే మకర రాశి వారు ఏలినాటి శని పూర్తి అయిపోయిందని భావిస్తున్నారో వారు ఈ సంవత్సరం జాగ్రత్తగా ఉండాలి. మకర రాశి వారికి శ్రీ విశ్వవసు నామ సంవత్సరం అంతా అనుకూలంగా లేదు. ఈ సంవత్సరం మకర రాశికి ముఖ్యంగా వృత్తి ఉద్యోగ వ్యాపారపరంగా శత్రుభాద, రాజకీయ బాధలు అధికంగా ఉన్నాయి. నిరుద్యోగులకు ఉద్యోగ ప్రయత్నాల్లో ఇబ్బందులు, ఉద్యోగస్తులకు ఉద్యోగంలో రాజకీయ ఒత్తిళ్లు అధికంగా ఉంటాయి. మకర రాశి వారు ఈ సంవత్సరం నోరు అదుపులో పెట్టుకోవాలి. ఎదుటి వారితో మాట్లాడేటప్పుడు చాలా జాగ్రత్తగా వ్యవహరించాలి. ఆవేశపూరిత నిర్ణయాల వలన గొడవల వలన ఇబ్బందులు తెచ్చుకునేటువంటి స్థితి మకర రాశి వారికి ఉంది. వాక్ స్థానంలో ఉన్నటువంటి రాహువు ప్రభావం చేత మకర రాశి వారు జాగ్రత్త వహించాలని తెలియజేస్తున్నాను. మకర రాశి వ్యాపారస్తులకు ఇది మధ్యస్థ సమయం. వ్యాపారపరంగా కొంత అభివృద్ధి, ధన నష్టాల నుంచి కొంచెం లాభ స్థానం వైపు వెళ్ళినప్పటికీ, వ్యాపారపరంగా గత సంవత్సరంతో పోల్చుకుంటే ఈ సంవత్సరం కొంత అనుకూలిస్తుంది.