మహాకుంభమేళంలో పూసలు, రుద్రాక్ష మాలలు అమ్మే సోషల్ మీడియాలో వైరల్ అయిన అమ్మాయి మోనా లిసాకు సినిమా ఆఫర్ ఇచ్చిన దర్శకుడు సనోజ్ మిశ్రా అరెస్ట్ అయినట్లు తెలుస్తోంది. అత్యాచారం కేసులో ఢిల్లీ పోలీసులు ఆయనను అరెస్ట్ చేసినట్లు సమాచారం. ఇప్పటికే సనోజ్ మిశ్రా బెయిల్ పిటిషన్ ఢిల్లీ హైకోర్టు తిరస్కరించిందని దీంతో పోలీసులు ఆయనను అదుపులోకి తీసుకున్నట్లు సమాచారం. ఝాన్సీకి చెందిన ఓ యువతికి సినిమాలో పాత్ర ఇప్పిస్తానని ప్రలోభపెట్టాడని దర్శకుడు సనోజ్ మిశ్రా పై ఆరోపణలు వచ్చాయి.