‘ಇನ್ಮೇಲೆ ಹೊಡೆದಾಡಲ್ಲ’: ಫಿನಾಲೆ ಹತ್ತಿರವಾದಾಗ ತಂತ್ರಗಾರಿಕೆ ಬದಲಿಸಿದ ವಿನಯ್​

‘ಬಿಗ್​ ಬಾಸ್​ ಕನ್ನಡ ಸೀಸನ್​ 10’ ರಿಯಾಲಿಟಿ ಶೋನಲ್ಲಿ 77 ದಿನಗಳು ಕಳೆದಿವೆ. ಇನ್ನು ಕೆಲವೇ ದಿನಗಳಲ್ಲಿ ಫಿನಾಲೆ ಬರಲಿದೆ. ಹಾಗಾಗಿ ದೊಡ್ಮನೆಯೊಳಗೆ ಪೈಪೋಟಿ ಹೆಚ್ಚಾಗಿದೆ. ಹೆಚ್ಚು ಅಗ್ರೆಸಿವ್​ ಆಗಿ ಆಡಬೇಕಾದ ಅನಿವಾರ್ಯತೆ ಎಲ್ಲರಿಗೂ ಇದೆ. ಆದರೆ ವಿನಯ್​ ಗೌಡ ಅವರು ಹೊಸ ತಂತ್ರಗಾರಿಕೆ ರೂಪಿಸಿದ್ದಾರೆ. ‘ಇನ್ಮೇಲೆ ಹೊಡೆದಾಡಲ್ಲ. ನಿರ್ಧಾರ ಮಾಡಿದ್ದೇನೆ. ಇದು ನನ್ನ ಪ್ರಾಮಿಸ್​. ಎಷ್ಟು ನೀಟಾಗಿ ಆಡೋಕೆ ಆಗುತ್ತೋ ಅಷ್ಟು ನೀಟಾಗಿ ಆಡೋಣ’ ಎಂದು ವಿನಯ್​ ಗೌಡ ಹೇಳಿದ್ದಾರೆ. ಈ ಮಾತು ಕೇಳಿ ಬಿಗ್​ ಬಾಸ್​ ಮನೆಯ ಇನ್ನುಳಿದ ಸದಸ್ಯರಿಗೆ ಅಚ್ಚರಿ ಆಗಿದೆ. ‘ಇಷ್ಟು ದಿನ ಇವರು ಆಗ್ರೆಸಿವ್​ ಆಗಿ ಆಡಿದ್ರು. ಇನ್ಮೇಲೆ ನಾವು ಆ ರೀತಿ ಆಡೋಣ’ ಎಂದು ನಮ್ರತಾ ಗೌಡ ಹೇಳಿದ್ದಾರೆ. ‘ಕಲರ್ಸ್​ ಕನ್ನಡ’ ಚಾನೆಲ್​ನಲ್ಲಿ ಪ್ರತಿ ರಾತ್ರಿ 9.30ಕ್ಕೆ ಬಿಗ್​ ಬಾಸ್​ ಪ್ರಸಾರ ಆಗುತ್ತಿದೆ. ‘ಜಿಯೋ ಸಿನಿಮಾ’ ಒಟಿಟಿ ಮೂಲಕ ಲೈವ್​ ನೋಡುವ ಅವಕಾಶ ಇದೆ.