క్రమశిక్షణ, నిబంధనల పేరిట చైనా ప్రభుత్వం కఠిన నిర్ణయాలు తీసుకోవడానికి వెనకాడదు. తాజాగా ఏడేళ్ల పిల్లలకు కూడా సైనిక శిక్షణ ఇస్తోంది. క్రమశిక్షణ, పోరాట సామర్థ్యాన్ని పెంపొందించేందుకు ఏడేళ్ల వయసు నుంచి 25 ఏళ్ల లోపు యువకులకు కొద్దిరోజుల పాటు ఈ కఠిన శిక్షణ అందిస్తోంది . ఈ మేరకు షాంఘై క్రీడల విభాగం నిర్ణయం తీసుకుంది. దీని ద్వారా చైనా మిలిటరీ పోరాట స్ఫూర్తి, ప్రమాణాలను పిల్లలు, యువత పూర్తిగా అర్థం చేసుకుంటారని తెలిపింది.