ភ្នំពេញៈ មន្ត្រី ៦ នាក់បានដាក់ពាក្យបណ្តឹងទៅសាលាដំបូងរាជធានីភ្នំពេញដើម្បីឲ្យមានការទទួលពួកគេចូលក្នុងគណបក្សហ៊្វុនស៊ិនប៉ិចវិញ បន្ទាប់ពីសេចក្តីសម្រេចមួយដោយប្រធានគណបក្សហ៊្វុនស៊ិនប៉ិច ព្រះអង្គម្ចាស់នរោត្តម រណឫទ្ធិ បញ្ចប់កាលពីខែមុន។ នៅក្នុងលិខិតដែលដាក់ទៅតុលាការកាលពីថ្ងៃទី ៦ កុម្ភៈ និងចែកចាយនៅក្នុងប្រព័ន្ធផ្សព្វផ្សាយក្នុងស្រុកកាលពីថ្ងៃចន្ទបានឲ្យដឹងថា មន្ត្រី ៦ នាក់ក្នុងចំណោមមន្ត្រី ៧ នាក់ដែលត្រូវបានបណ្តេញដោយសម្តេចក្រុមព្រះ នរោត្តម រណឫទ្ធិ ប្រធានគណបក្សកាលពីថ្ងៃទី ២៩ ខែមករាបានពន្យល់ថា ការបណ្តេញពួកគេ «បំពានលក្ខន្តិកៈរបស់គណបក្ស»។ ពួកគេបានសរសេរថា៖ «[សេចក្តីសម្រេចនេះ] ប៉ះពាល់អត្ថប្រយោជន៍ និងសេចក្តីថ្លៃថ្នូររបស់យើងហើយអយុត្តិធម៌ណាស់ចំពោះយើង»។